UEFA Çempionlar Liqasının pley-off mərhələsində həlledici qarşılaşmalar bu gün start götürür. Turnirin ilk oyun günündə dörd matç keçiriləcək və komandaların növbəti mərhələyə vəsiqə əldə edib-etməyəcəyi məlum olacaq.
“Qarabağ” çətin səfər qarşılaşmasına çıxır
Azərbaycan çempionu “Qarabağ” İngiltərədə “Nyukasl”ın qonağı olacaq. Qurban Qurbanovun komandası Bakıda baş tutan ilk oyunda 1:6 hesabı ilə məğlub olduğundan, cavab görüşü onlar üçün real mənada çox çətin olacaq. Səfər matçında komandanın əsas hədəfi layiqli oyun sərgiləmək və nəticəni yaxşılaşdırmaqdır.
Günün maraqla gözlənilən digər matçlarından biri isə Madrid təmsilçisi “Atletiko”nun “Brügge”ni qəbul etməsidir. İspaniya klubu səfərdə 3:3 hesablı məhsuldar heç-heçə əldə etmişdi və öz meydanında üstünlüyü ələ almağa çalışacaq.
Leverkuzendə “Bayer” doğma azarkeşləri qarşısında “Olimpiakos”la üz-üzə gələcək. Almaniya klubu ilk oyunda 2:0 hesablı inamlı qələbə qazandığından, mərhələ adlamaq üçün əlverişli mövqedədir.
Gecənin son qarşılaşmasında “İnter” Milanda norveç təmsilçisi “Budyo Qlimt”i qəbul edəcək. İlk görüşdə 1:3 hesabı ilə uduzan İtaliya klubu evdə möhtəşəm dönüş etməyə ümid edir.
UEFA Çempionlar Liqası, Pley-off, cavab görüşləri (24 fevral):
- 21:45 — “Atletiko Madrid” (İspaniya) – “Brügge” (Belçika)(ilk oyun: 3:3)
- 00:00 — “Nyukasl” (İngiltərə) – “Qarabağ” (Azərbaycan)(ilk oyun: 6:1)
- 00:00 — “Bayer Leverkuzen” (Almaniya) – “Olimpiakos” (Yunanıstan)(ilk oyun: 2:0)
- 00:00 — “İnter” (İtaliya) – “Budyo Qlimt” (Norveç)(ilk oyun: 1:3)
Qeyd edək ki, pley-off mərhələsinin digər oyunları sabah davam edəcək.
