Martın 28-də Londondakı “Co-op Live Arena”da məşhur britaniyalı promouter Frank Warren tərəfindən təşkil olunan “Magnificent 7” adlı boks gecəsi baş tutacaq. Gecənin əsas hadisəsi ağır çəkidə maraqlı qarşılaşma olacaq.
Ringdə məğlubiyyət üzü görməyən britaniyalı Moses Itauma (13–0, 11 KO) amerikalı Jermaine Franklin (24–2, 15 KO) ilə üz-üzə gələcək. Gənc və perspektivli İtauma üçün bu döyüş karyerasında ciddi sınaqlardan biri hesab olunur.
Gecənin digər əsas qarşılaşmaları
Boks axşamında yalnız əsas döyüş deyil, bir sıra maraqlı qarşılaşmalar da nəzərdə tutulub. Xüsusilə yarımağır çəkidə iki britaniyalı arasında baş tutacaq titul döyüşü diqqət çəkir. Willy Hutchinson (19–2, 14 KO) ilə Ezra Taylor (13–0, 9 KO) WBO Global kəməri uğrunda mübarizə aparacaq.
Bundan əlavə, döyüş kartında aşağıdakı qarşılaşmalar yer alıb:
- Willy Hutchinson (19–2, 14 KO) – Ezra Taylor (13–0, 9 KO)
- Liam Davies (17–1, 8 KO) – Francesco Grandelli (21–4–2, 6 KO)
- Shakiel Thompson (15–0, 11 KO) – Brad Pauls (20–2–1, 11 KO)
- Nathan Heaney (19–1–1, 6 KO) – Jerome Warburton (16–2–2, 2 KO)
- Michael Gomez Jr (21–2, 6 KO) – Jordan Flynn (13–1–1, 2 KO)
- Nelson Birchall (10–0, 7 KO) – Ryan Griffiths (8–1–3)
- Alex Murphy (14–2) – Josh Holmes (17–0, 6 KO)
- Billy Deniz (14–0, 5 KO) – Grant Dennis (19–19, 3 KO)
- John Joe Corrigan (1–0, 1 KO) – Danny Costello (4–1)
- Adam Hamed (6–0, 3 KO) – Michael Mooney (10–122–3, 3 KO)
Bu döyüşlər müxtəlif çəki dərəcələrində keçiriləcək və bir çox perspektivli boksçular üçün özlərini göstərmək baxımından mühüm fürsət sayılır.
Gecənin əsas döyüşündə İtauma ilə Franklinin qarşıdurması isə həm azarkeşlər, həm də mütəxəssislər tərəfindən böyük maraqla gözlənilir. Bu görüş gənc britaniyalının gələcək titul iddiaları üçün mühüm mərhələ ola bilər.
