UEFA Çempionlar Liqasının yarımfinal mərhələsində Paris Saint-Germain səfərdə FC Bayern Munich ilə 1:1 hesablı heç-heçə edərək finala yüksəlib. İlk oyunda əldə olunan 5:4 hesablı üstünlük Paris təmsilçisinə həlledici matçda böyük üstünlük qazandırmışdı.
Allianz Arenanda keçirilən qarşılaşma yüksək tempdə başlasa da, ilk matçdakı açıq futbol bu dəfə taktiki mübarizə ilə əvəz olundu. Oyunun cəmi 3-cü dəqiqəsində Xviça Kvaratsxeliyanın ötürməsindən sonra Ousmane Dembele hesabı açaraq PSJ-ni önə çıxardı.
Luis Enrikedən taktiki ustalıq
Qoldan sonra Paris klubu oyunun idarəsini tamamilə dəyişdi. Luis Enrique komandasını daha kompakt müdafiəyə çəkərək “Bavariya”nın hücumlarını neytrallaşdırdı. Meydan sahibləri topa daha çox nəzarət etsələr də, real təhlükəli epizod yaratmaqda çətinlik çəkirdilər.
İlk hissədə Michael Olise və Jamal Musiala fərqlənməyə yaxın olsalar da, ya dəqiqlik çatmadı, ya da qapıçı Matvey Safonov inamlı çıxış etdi.
İkinci hissədə də oyun eyni ssenari üzrə davam etdi. “Bavariya” hücum etsə də, PSJ müdafiədə səhvə yol vermədi. Yalnız əlavə olunmuş dəqiqələrdə Harry Kane hesabı bərabərləşdirərək Almaniya klubuna ümid verdi. Lakin qalan vaxt Münhen təmsilçisi üçün yetərli olmadı.
Çempionlar Liqası:
“Bavariya” – PSJ – 1:1
- Qollar: Keyn, 90+4 – Dembele, 3
- “Bavariya”: Noyer, Stanişiç (Devis, 67), Upamekano (Karl, 85), Ta (Kim, 67), Laymer, Kimmix, Pavloviç, Olise, Musiala (Cekson, 79), Dias, Keyn
- PSJ: Safonov, Zair-Emeri, Markinyos, Paço, Nunu Mendes (Mayulu, 85), Fabian Ruis (Ernandes, 77), Vitinya, Joau Neveş, Due (Beraldo, 77), Dembele (Barkola, 65), Kvaratsxeliya
- Stadion: “Allianz Arena”
- Baş hakim: Joao Pinheiro
