Braziliya millisinin ulduz hücumçusu Neymar-ın 2026-cı il Dünya Çempionatında iştirak edəcəyi ehtimalı yüksək qiymətləndirilir. Məlumata görə, futbolçu yığmanın planlarına daxil edilib və onun mundialda çıxış etməsi real görünür.
Braziliya millisinin baş məşqçisi Karlo Ançelotti 34 yaşlı futbolçunu əsas heyətə cəlb etməyi planlaşdırır. Bildirilir ki, yığmanın yekun siyahısı mayın 18-də açıqlanacaq və Neymarın taleyi də həmin gün rəsmiləşə bilər.
Qərar futbolçunun fiziki durumundan asılıdır
Daha əvvəl yayılan məlumatlara əsasən, Neymar ilkin olaraq 55 nəfərlik geniş siyahıya daxil edilib. Lakin bu, onun yekun heyətdə yer alacağı anlamına gəlmir. Məşqçi heyəti son qərarı futbolçunun hazırkı fiziki vəziyyətinə əsasən verəcək.
Ançelotti bu məsələyə münasibət bildirərək vurğulayıb ki, Neymarın istedadı heç vaxt şübhə doğurmayıb. O bildirib ki, əsas məsələ oyunçunun hazırkı forması və meydanda göstərə biləcəyi performansdır. Məşqçi heyəti futbolçunun bərpa prosesini diqqətlə izləyir.
Qeyd edək ki, Neymar 2023-cü ilin payızından etibarən Braziliya millisinin heyətində meydana çıxmayıb. Bu səbəbdən onun yenidən yığmaya dönüşü futbol ictimaiyyətində böyük maraq doğurur.
Braziliya yığması 2026 Dünya Çempionatının qrup mərhələsində aşağıdakı rəqiblərlə üz-üzə gələcək:
- Mərakeş
- Haiti
- Şotlandiya
Təcrübəli hücumçunun bu turnirdə iştirak edib-etməyəcəyi yaxın günlərdə tam dəqiqləşəcək və bu qərar Braziliya millisinin hücum xəttinə ciddi təsir göstərə bilər.
