2026/2027 mövsümündə UEFA Çempionlar Liqasının əsas mərhələsində iştirak edəcək komandaların böyük hissəsi artıq müəyyənləşib. Avropanın aparıcı çempionatlarında mövsümün başa çatmasından sonra birbaşa vəsiqə qazanan 29 klubun adına rəsmən aydınlıq gəlib.
İtaliya A Seriyasının son turundan sonra siyahıya əlavə olunan komandalar “Roma” və sürpriz mövsüm keçirən “Komo” olub. Beləliklə, Çempionlar Liqasının yeni formatında İtaliya yenidən güclü təmsilçiliklə diqqət çəkəcək.
Birbaşa vəsiqə qazanan komandalar aşağıdakılardır:
- İspaniya: “Barselona”, “Real Madrid”, “Atletiko”, “Vilyarreal”, “Betis”
- Almaniya: “Bavariya”, Dortmund “Borussiya”sı, “Leyptsiq”, “Ştutqart”
- İngiltərə: “Arsenal”, “Mançester Siti”, “Mançester Yunayted”, “Liverpul”, “Aston Villa”
- Fransa: PSJ, “Lans”, “Lill”
- İtaliya: “İnter”, “Napoli”, “Roma”, “Komo”
- Portuqaliya: “Sportinq”, “Portu”
- Niderland: PSV, “Feyenoord”
- Türkiyə: “Qalatasaray”
- Ukrayna: “Şaxtyor”
- Çexiya: “Slaviya”
- Belçika: “Brügge”
Son yeddi yer uğrunda mübarizə davam edir
UEFA-nın yeni sisteminə əsasən, turnirin əsas mərhələsində ümumilikdə 36 komanda çıxış edəcək. Hazırda 29 iştirakçı müəyyənləşsə də, qalan yeddi vəsiqənin sahibi yayda keçiriləcək təsnifat mərhələlərindən sonra bəlli olacaq.
Yeni mövsümdə bir sıra nəhəng klubların eyni turnirdə mübarizə aparacaq olması azarkeşlər arasında böyük maraq yaradıb. Xüsusilə “Komo”nun uzun fasilədən sonra Avropanın ən nüfuzlu klub turnirinə vəsiqə qazanması futbol ictimaiyyətində sürpriz kimi qiymətləndirilir.
