NBA-da yay transfer dövrünün ən çox müzakirə olunan mövzularından biri “Boston Celtics”in gələcək planlarıdır. Yahoo Sportsun yaydığı məlumata görə, klub rəhbərliyi Ceylen Braunun komandadan ayrılmasından sonra Peyton Prityardın daha böyük rol alacağına inanır və onu yeni layihənin əsas simalarından biri kimi görür.
Braunun yaxın günlərdə “Philadelphia 76ers”ə göndərilməsi “Boston”un heyətində ciddi dəyişikliklərə səbəb olub. Klub daxilində hesab edirlər ki, Prityard hücumda daha çox məsuliyyət daşıdığı halda performansını əhəmiyyətli dərəcədə yüksəldə bilər və komandanın əsas oyunçularından birinə çevrilə bilər.
Mənbənin bildirdiyinə görə, “Celtics” rəhbərliyi Peyton Prityardın inkişaf yolunu “New York Knicks”in ulduzu Ceylen Brunsonun yüksəlişinə bənzədir. Klub hesab edir ki, daha geniş oyun vaxtı və hücum azadlığı 27 yaşlı basketbolçunun potensialını tam nümayiş etdirməsinə imkan verəcək.
2025/26 mövsümündə Prityard karyerasının ən məhsuldar ilini keçirib. O, müntəzəm çempionatda 79 oyunda iştirak edib, orta hesabla 17 xal, 5,2 məhsuldar ötürmə və 3,9 ribaund göstəricilərinə imza ataraq start heyətində özünü uğurla doğruldub.
