ABŞ-də keçirilən ATP 1000 Cincinnati Masters turnirində üçüncü raundun bütün qarşılaşmaları başa çatıb. Aşağı hissədə son nəticələrin müəyyənləşməsindən sonra 1/8 final mərhələsinin tam cədvəli formalaşıb.
Günün ən diqqətçəkən nəticələrindən ikisinə Nunu Borjeş və Brandon Nakashima imza atıblar. Portuqaliyalı tennisçi Andrey Rublyovu iki setdə mübarizədən kənarlaşdırıb. Nakashima isə Daniil Medvedevə qarşı üç setlik dramatik görüşdə üç matçbolu xilas edərək qələbə qazanıb. İndi Borjeş və Nakashima 1/4 final bileti uğrunda bir-biri ilə qarşılaşacaqlar.
İkinci nömrəli Feliks Oje-Alyassim Xuan Manuel Serundolonu 7:5, 6:1 hesabı ilə məğlub edib. Kanadalının növbəti rəqibi üç setdə Lerner Tyeni keçən Frensis Tiafo olacaq.
Teylor Frits Daniel Merida Agiları iki setdə üstələyib. Onun 1/8 finaldakı rəqibi Kristofer O’Konnell olacaq. Avstraliyalı Joao Fonsekanın görüşdən çəkilməsi səbəbindən korta çıxmadan növbəti mərhələyə vəsiqə əldə edib.
Digər cütdə portuqaliyalı Jayme Faria Lorenzo Musetti ilə üz-üzə gələcək. Faria Adam Volton üzərində üç setlik qələbə qazanıb, Musetti isə Maykl Çjeni 6:1, 6:3 hesabı ilə məğlub edərək karyerasında ilk dəfə Cincinnati turnirinin 1/8 finalına yüksəlib.
Üçüncü raundun nəticələri
ATP 1000 Cincinnati – 1/16 final
Turnir cədvəlinin aşağı hissəsi
Teylor Frits [6] – Daniel Merida Agilar – 6:3, 6:4
Joao Fonseka [23] – Kristofer O’Konnell – W/O, O’Konnell
Andrey Rublyov [13] – Nunu Borjeş – 3:6, 4:6
Brandon Nakashima [27] – Daniil Medvedev [4] – 6:7 (3:7), 7:6 (7:4), 6:1
Jayme Faria – Adam Volton – 4:6, 6:4, 7:6 (7:3)
Maykl Çjen – Lorenzo Musetti [10] – 1:6, 3:6
Lerner Tyen [16] – Frensis Tiafo [17] – 4:6, 6:4, 4:6
Xuan Manuel Serundolo – Feliks Oje-Alyassim [2] – 5:7, 1:6
Cincinnati Mastersin 1/8 final cütləri
Turnir cədvəlinin yuxarı hissəsi
Aleksandr Zverev [1] – Tommi Pol [18]
Rafael Xodar [12] – Flavio Kobolli [7]
Tyaqo Aqustin Tirante – Yakub Menşik [14]
Yirji Leheçka [9] – Aleks de Minaur [5]
Turnir cədvəlinin aşağı hissəsi
Teylor Frits [6] – Kristofer O’Konnell
Nunu Borjeş – Brandon Nakashima [27]
Jayme Faria – Lorenzo Musetti [10]
Frensis Tiafo [17] – Feliks Oje-Alyassim [2]
Turnirin rəsmi təqviminə əsasən, bütün 1/8 final qarşılaşmaları 19 avqustda, 1/4 final oyunları isə 20 və 21 avqustda keçiriləcək. Cincinnati Mastersin kişi və qadınların fərdi yarışlarında finallar avqustun 23-nə planlaşdırılıb.
