Serbiyalı tennisçi Novak Cokoviç, Avstraliya Açıq Çempionatında (Australian Open) üçüncü mərhələyə yüksələrək Böyük Dəbilqə turnirlərində unikal bir rekord müəyyənləşdirdi.
ATP reytinqində yeddinci yerdə olan Cokoviç, ikinci raundda dünya reytinqində 125-ci sırada yer alan portuqaliyalı Jaime Fariaya qalib gəldi. 3 saat 1 dəqiqə davam edən oyun dörd setdə tamamlandı: 6:1, 6:7 (4:7), 6:3, 6:2.
Cokoviç 13 dəfə “eis” vurdu, iki ikiqat səhvə yol verdi və 12 breyk-poinun 7-sini reallaşdırdı. Faria isə 14 dəfə “eis” vurdu, altı ikiqat səhv etdi və qazandığı yeddi breyk-poinun ikisini qazanmağı bacardı.
Serbiyalı tennisçi Böyük Dəbilqə turnirlərində ümumi oyun sayı üzrə dünya rekordunu yenilədi. Onun hesabında artıq 430 oyun var ki, bu göstərici ilə o, Roger Federeri (429 oyun) geridə qoydu.
Üçüncü raundda Cokoviç Çexiya təmsilçisi Tomaş Mahak ilə qarşılaşacaq.
Novak Cokoviç, Böyük Dəbilqə turnirlərində ən çox titul qazanan tennisçi olaraq, həm kişilər, həm də qadınlar arasında rekordçudur. O, 24 titul sahibidir (Margaret Kort ilə bərabər). Cokoviç ATP turnirlərində 100 dəfə qalib gəlib, bunlardan 99-u fərdi kateqoriyada qazanılıb.
