Azərbaycanın aparıcı futbol klubu “Qarabağ”, braziliyalı Olavio Juninyo-nu 5 milyon avroya “Flamenqo”ya satdıqdan sonra daha bir oyunçusu ilə vidalaşa bilər.
Sport-Az xəbər verir ki, bu dəfə Avropa klublarından təklif alan futbolçu Elvin Cəfərquliyevdir. Macarıstanın “Ferentsvaroş” klubu “Qarabağ”ın müdafiəçisini transfer etmək üçün rəsmi təklif göndərib.
Xatırladaq ki, “Ferentsvaroş” 2023-cü ilin yayında “Qarabağ”dan Ovus Kvaabeni transfer etmişdi. İndi isə Azərbaycan millisinin futbolçusu Cəfərquliyevi heyətinə qatmaqda maraqlıdır.
