Formula 1 üzrə yeddiqat dünya çempionu, “Ferrari” pilotu Lyuis Hemilton Çin Qran-Prisi çərçivəsində keçirilən sprint təsnifat mərhələsində ən sürətli nəticə göstərərək poul mövqeyini əldə edib.
Sport-Az xəbər verir ki, Hemiltonun ardınca “Red Bull” komandasının pilotu, dördqat dünya çempionu Maks Ferstappen ikinci yeri tutub. İlk üçlüyü “McLaren”in sürücüsü Oskar Piastri tamamlayıb.
Sprint təsnifat mərhələsinin ilk onluğu:
- Lyuis Hemilton (“Ferrari”) — 1:30.849
- Maks Ferstappen (“Red Bull”) +0.018
- Oskar Piastri (“McLaren”) +0.080
- Şarl Lekler (“Ferrari”) +0.208
- Corc Rassel (“Mercedes”) +0.320
- Lando Norris (“McLaren”) +0.544
- Andrea Kimi Antonelli (“Mercedes”) +0.889
- Yuki Tsunoda (“Racing Bulls”) +0.924
- Aleksandr Albon (“Williams”) +1.003
- Lens Stroll (“Aston Martin”) +1.133
İkinci mərhələdə mübarizəni dayandıranlar:
- Fernando Alonso (“Aston Martin”) — 1:31.815
- Oliver Berman (“Haas”) — 1:31.978
- Karlos Sayns (“Williams”) — 1:32.325
- Qabriel Bortoletto (“Kick-Sauber”) — 1:32.564
- İsak Hacjar (“Racing Bulls”) — vaxt göstərmədi
Birinci mərhələdə mübarizəni dayandıranlar:
- Cek Duhan (“Alpine”) — 1:32.575
- Pyer Qasli (“Alpine”) — 1:32.640
- Niko Hyulkenberq (“Kick-Sauber”) — 1:32.651
- Esteban Okon (“Haas”) — 1:32.675
- Liam Lawson (“Red Bull”) — 1:32.729
Sprint yarışı Çin Qran-Prisinin əsas mərhələsinə önəmli təsir göstərəcək. Hemiltonun poul mövqeyi gələcək yarış üçün güclü start imkanları və psixoloji üstünlük deməkdir.
