5–6 aprel 2025-ci il tarixlərində “Sərhədçi” Olimpiya İdman Mərkəzində keçirilmiş beynəlxalq “Azərbaycan Qran-prisi” karate turnirində Fövqəladə Hallar Nazirliyinin (FHN) gənc idmançıları ölkəmizə böyük uğur qazandırıblar. Bu barədə Vesti.az məlumat yayıb.
Turnir Azərbaycan Gənclər və İdman Nazirliyi ilə Karate Federasiyasının birgə təşkilatçılığı ilə keçirilib. Yarışda Türkiyə, Qazaxıstan, Rusiya, Özbəkistan və Küveyt daxil olmaqla 14 ölkədən təxminən 1200 idmançı iştirak edib. Gənclər kumi̇te və kata növlərində uşaqlar, yeniyetmələr və gənclər kateqoriyalarında mübarizə aparıblar.
FHN komandasının heyətində Murad Hacızadə, Coşqun Sadıqov, Rafael Məmmədov, Akif Məmmədov və Həyal Məmmədovun rəhbərliyi altında 150-yə yaxın idmançı çıxış edib və nəticələr çox təsirli olub:
Medal statistikası:
- 5–11 yaş: 18 qızıl, 20 gümüş, 14 bürünc
- 12–13 yaş: 9 qızıl, 8 gümüş, 10 bürünc
- 14–17 yaş (kumite): 4 qızıl, 7 gümüş, 7 bürünc
Ümumi nəticə: 97 medal – 31 qızıl, 35 gümüş, 31 bürünc
Qaliblərə Azərbaycan Karate Federasiyası tərəfindən medal və diplomlar təqdim olunub. FHN-in İdman-Sağlamlıq Klubunun rəisi, komandanın baş məşqçisi, 8-ci dan qara kəmər sahibi və ikiqat dünya çempionu, polkovnik Füzuli Musayev idmançıları uğurlu nəticələr münasibətilə təbrik edib.
