Çernoqoriyanın paytaxtı Podqoritsada keçirilən cüdo üzrə Avropa çempionatı sürətlə davam edir. Turnirin ikinci günü Azərbaycan millisi üçün uğurlu nəticələrlə yadda qaldı.
73 kq çəki dərəcəsi
Rəşid Məmmədiyev möhtəşəm çıxışla gündəmi zəbt etdi. O, ilk görüşdə Böyük Britaniyanın nümayəndəsi Benjamin Leviyə qalib gəldi, daha sonra Portuqaliyalı Otari Kvantidzeyə şans verməyərək 1/4 finala vəsiqə qazandı.
57 kq çəki dərəcəsi
Qadın cüdoçumuz Fidan Əlizadə də mübarizəyə qatıldı. O, latviyalı Anastasiya Sokirjanska ilə qarşılaşmada üstün olsa da, 1/8 finalda isveçrəli Bente Ndiaye ilə dueldə mübarizəni dayandırdı.
Xatırladaq ki, yarışın ilk günündə 60 kq çəki dərəcəsində çıxış edən Əhməd Yusifov komandamıza bürünc medal qazandırmışdı. Bu nəticə ilə Azərbaycan yığması artıq mükafatlar sırasına düşüb.
