Məşhur bloger və peşəkar boksçu Ceyk Pol döyüş idmanında yeni hədəfini açıqlayıb. Fight Hub TV-nin məlumatına görə, Pol karyerasını MMA-da davam etdirmək niyyətindədir və artıq potensial rəqiblərin adlarını da çəkib.
“Mən Holli Holm kimi olmaq və qəfəsdə döyüşmək istəyirəm. Nət Dias hələ də gizlənir, amma biz özümüzə layiqli rəqib tapacağıq. Ola bilər Usik, ola bilər Tommy Fury,” – deyə Pol bildirib.
Usikdən cavab: MMA döyüşü 2026-cı ildə baş tuta bilər
Polun promouteri Nakisa Bidaryan isə əlavə edib ki, Aleksandr Usik tərəfindən MMA döyüşü üçün rəsmi maraq var. Onun sözlərinə görə, Usik tərəfi artıq Polun komandası ilə əlaqə saxlayıb və 2026-cı ildə belə bir döyüşün keçirilməsi müzakirə olunur.
Polun boks karyerası: 11-1 rekordu və Tyson üzərində qələbə
Xatırladaq ki, Ceyk Pol 11 qələbə və 1 məğlubiyyət ilə peşəkar boksda kifayət qədər təsirli nəticəyə malikdir. Onun son döyüşü təxminən yarım il əvvəl baş tutub. Həmin qarşılaşmada o, əfsanəvi boksçu Mayk Taysonu hakimlərin yekdil qərarı ilə məğlub etmişdi.
Polun MMA-yə keçidi və onun qarşısında duran mümkün döyüşlər, idman ictimaiyyətində böyük maraqla izlənilir və bu keçid onun karyerasında yeni səhifə aça bilər.
