Azərbaycanın karate üzrə milli komandası növbəti Premyer Liqa mövsümündə uğurlu çıxışla yadda qalıb. İdmançılarımız dörd mərhələdən ibarət beynəlxalq seriyada ümumilikdə üç bürünc medal qazanıblar. Sport-az.com xəbər verir ki, bu mövsüm Çin və Mərakeşdə keçirilən yarışlarda iki idmançımız fərqlənib.
Üç medal – iki karateçidən
- Nuran Rzazadə (67 kq) mövsüm ərzində iki dəfə mükafatçılar sırasına düşüb. O, həm Quançjou (Çin), həm də Rabatda (Mərakeş) keçirilən yarışlarda üçüncü yerin sahibi olub.
- Fərid Ağayev (75 kq) isə Quançjou mərhələsində bürünc medal qazanaraq bu mövsüm fərqlənən digər idmançı olub.
Bu nəticələr Azərbaycan karateçilərinin dünya reytinqində mövqelərini qoruması və qarşıdakı beynəlxalq turnirlərdə uğur şanslarını artırması baxımından mühüm əhəmiyyət daşıyır.
