İtaliyanın Kaorle şəhərində keçirilən U-20 Avropa çempionatında Azərbaycan yunan-Roma güləşçiləri uğurlu nəticə ilə çıxışa başlayıblar. Güləş Federasiyasının yaydığı məlumata görə, yarışın ilk mərhələlərində təmsilçilərimiz 3 gümüş medal qazanıblar.
İkinci yarış günündə nəticələr:
- Turan Daşdəmirov (55 kq) finalda rusiyalı İvan Solominə 1:1 hesabı ilə məğlub olub. Qarşılaşma ilk xal prinsipinə əsasən rəqibin xeyrinə başa çatıb.
- Tural Əhmədov (63 kq) həlledici görüşdə rusiyalı İqor Punçenkoya 1:9 hesabı ilə uduzub.
- Davud Məmmədov (77 kq) isə finalda gürcüstanlı Anri Putkaradze ilə qarşılaşıb və 1:3 hesabı ilə məğlub olub.
Beləliklə, Azərbaycan komandası Avropa çempionatına 3 gümüş medalla start verərək, uğurlu çıxış üçün möhkəm zəmin yaradıb.
