Ukraynalı boksçu Aleksandr Usik 20 iyul gecəsi Londonda keçirilən boks gecəsinin əsas döyüşündə Daniel Dyubanı beşinci raundda nokauta salaraq yenidən dünya çempionu oldu. Bu qələbə ilə Usik karyerasında üçüncü dəfə dörd əsas titulun (WBA, WBO, WBC, IBF) sahibi oldu.
Görkəmli qələbədən sonra ESPN boks üzrə çəkidən asılı olmayan ən yaxşı döyüşçülərin yenilənmiş reytinqini təqdim etdi. Usik siyahının zirvəsində qalaraq yaponiyalı Naoya Inoue və amerikalı Terens Kroufordu geridə qoydu.
İki amerikalı boksçu – Şakur Stivenson və Cessi Rodrigez də öz mövqelərini yaxşılaşdırdı. WBC yüngül çəkidə çempion olan Stivenson yeddinci yerə yüksəldi, WBC ikinci yüngül çəki çempionu Rodrigez isə artıq beşinci pillədə qərarlaşıb.
ESPN versiyasına görə çəkidən asılı olmayan ən yaxşı boksçular:
- (1) Aleksandr Usik
- (2) Naoya Inoue
- (3) Terens Krouford
- (4) Dmitri Bivol
- (6) Cessi Rodrigez
- (5) Artur Beterbiev
- (10) Şakur Stivenson
- (7) Saul Alvares
- (8) David Benavidez
- (9) Dzyunto Nakatani
