Azərbaycan milli komandası UEFA Millətlər Liqasının qrup mərhələsi çərçivəsində Estoniya və Slovakiya yığmaları ilə keçiriləcək oyunlar üçün heyətini açıqlayıb.
Sport-az.com xəbər verir ki, baş məşqçi Fernandu Santuş AFFA-nın inzibati binasında təşkil edilən mətbuat konfransında komandaya dəvət etdiyi futbolçuların siyahısını təqdim edib. Oktyabrın 7-dən təlim-məşq toplanışına başlayacaq heyətə aşağıdakı futbolçular daxildir:
Qapıçılar:
- Mehdi Cənnətov – Sumqayıt
- Rza Cəfərov – Neftçi
- Aydın Bayramov – Zirə
Müdafiəçilər:
4. Bəhlul Mustafazadə – Qarabağ
5. Abbas Hüseynov – Qarabağ
6. Qismət Alıyev – Zirə
7. Rahil Məmmədov – Radomiak Radom (Polşa)
8. Zamiq Əliyev – Eqnatia (Albaniya)
9. Bədavi Hüseynov – Qarabağ
10. Anton Krivotsyuk – Daejeon Hana Siti (Cənubi Koreya)
11. Şəhriyar Əliyev – Turan Tovuz
12. Elvin Cəfərquliyev – Qarabağ
Yarımmüdafiəçilər:
13. Coşqun Diniyev – Bandırmaspor (Türkiyə)
14. Elvin Camalov – Sabah
15. Aleksey İsayev – Qarabağ
16. Xəyal Nəcəfov – Turan Tovuz
17. Ceyhun Nuriyev – Zirə
18. Emin Mahmudov – Neftçi
19. Toral Bayramov – Qarabağ
20. Ozan Can Kökçü – HJK (Finlandiya)
21. Rüstəm Əhmədzadə – Zirə
Hücumçular:
22. Ramil Şeydayev – Neftçi
23. Mahir Emreli – Nürnberg (Almaniya)
24. Renat Dadaşov – Ankaragücü (Türkiyə)
Millimiz oktyabrın 7-də toplanacaq və oktyabrın 8-9-da Neftçi Futbol Mərkəzində məşq keçirəcək. Komanda oktyabrın 9-da Estoniyanın paytaxtı Tallinə yollanacaq və oktyabrın 10-da “Lilleküla” stadionunda Estoniya ilə oyunöncəsi son məşqə çıxacaq. Millimiz Estoniya yığması ilə görüşdən sonra, oktyabrın 12-də Bakıya qayıdacaq və Slovakiya ilə matç üçün hazırlıqlara başlayacaq.
Qeyd edək ki, Azərbaycan milli komandası oktyabrın 11-də “Lilleküla” stadionunda Estoniya ilə, oktyabrın 14-də isə Tofiq Bəhramov adına Respublika Stadionunda Slovakiya ilə qarşılaşacaq. Hər iki oyun saat 20:00-da başlayacaq.
