Bu gündən etibarən paytaxt Bakıda “Formula-1” üzrə Azərbaycan Qran-prisi başlayır. Sport-az.com-un məlumatına görə, bu möhtəşəm yarış ölkəmizdə ardıcıl doqquzuncu dəfə keçirilir.
Yarışın ilk günündə tamaşaçıları iki sərbəst yürüş gözləyir. Bundan əlavə, proqramda “Formula-2” üzrə test yürüşləri və təsnifat mərhələsi də yer alıb.
Bakı Şəhər Halqası 306,049 km uzunluğa malikdir və 20 döngədən ibarət 51 dövrə üzərində qurulub. Qeyd edək ki, Bakıda ilk dəfə 2016-cı ildə yarış Avropa Qran-prisi adı ilə təşkil olunmuşdu. 2017-ci ildən isə Azərbaycan Qran-prisi kimi keçirilir.
İllər ərzində Bakı trasının qalibləri arasında bu pilotlar olub:
- Niko Rosberq (Almaniya)
- Daniel Rikkardo (Avstraliya)
- Lyuis Hemilton (Böyük Britaniya)
- Valtteri Bottas (Finlandiya)
- Serxio Peres (Meksika) – 2023-cü ildə Bakıda ikinci dəfə qalib gəlib
- Maks Ferstappen (Niderland)
- Oskar Piastri (“McLaren”) – 2024-cü ildə qələbə qazanıb
2020-ci ildə isə pandemiya səbəbindən yarış baş tutmayıb. Son dörd mövsümdə təsnifat mərhələsini “Ferrari” pilotu Şarl Lekler qazanıb.
Hazırkı mövsümdə şəxsi birincilikdə vəziyyət belədir:
- Oskar Piastri (“McLaren”) – 324 xal
- Lando Norris (“McLaren”) – 293 xal
- Maks Ferstappen (“Red Bull”) – 230 xal
Konstruktorlar Kubokunda isə mövcud sıralama:
- “McLaren” – 617 xal
- “Ferrari” – 280 xal
- “Mercedes” – 260 xal
Azərbaycan Qran-prisinin ilk gününün proqramı:
- 10:00 – “Formula-2”: sərbəst yürüş
- 12:30 – “Formula-1”: birinci sərbəst yürüş
- 14:30 – “Formula-2”: təsnifat mərhələsi
- 17:00 – “Formula-1”: ikinci sərbəst yürüş
