Bakıda yeniyetmələr arasında təşkil edilən fiqurlu konkisürmə üzrə Qran-pri turnirində buz üstündə sərbəst rəqs proqramının final mərhələsi baş tutub. Yarışda 13 ölkədən 15 cütlük mübarizə aparıb.
Qızıl medalı fransalı Ambre Perryer Yanesini və Samuel Blanj Klaperman cütlüyü 162.21 xalla əldə edib. İkinci yeri İtaliyadan olan Zoe Byanki və Daniel Bazile tandemi 149.64 xalla tutub. Kanadalı Sammer Homik və Nikolas Buelou isə 142.38 xalla üçüncü pillədə qərarlaşıblar.
Bu turnir gənc konkisürməçilər üçün beynəlxalq səviyyədə qiymətli təcrübə və rəqabət imkanları təqdim edir, gələcəkdə idmançıların inkişafına mühüm töhfə verir.
