UFC prezidenti Dana Uayt 2026-cı ilin iyun ayında Ağ Evin Cənub Qazonunda keçiriləcək UFC tədbirinə dair maraqlı açıqlamalar verib. Məlumatına görə, bu şou UFC tarixində ən mürəkkəb və çətin təşkil olunan yarışlardan biri olacaq.
Uayt bildirib ki, o, əvvəllər stadionlarda tədbirlər keçirib və stadionlarda təşkilatçılıq işlərini yaxşı yaxından tanıyır. Lakin açıq hava məkanları, xüsusilə də Ağ Ev kimi xüsusi bir yerdə tədbir təşkil etmək onun üçün ciddi çağırışdır. O, Vaşinqtonda yerləşən Ağ Evin qazonunun dəyişdirilməsinin 700 min dollara qədər xərc tələb edəcəyini xüsusi vurğulayıb.
Turnirin digər diqqət çəkən detallardan biri çəki ölçmə mərasiminin ABŞ-ın tarixi simvolu olan Abraham Linkoln Memorialının fonunda baş tutacaq olmasıdır. Bu isə tədbirə xüsusi rəsmi atmosfer gətirəcək.
Dana Uayt bu tədbirin həm təşkilatçılar üçün, həm də azarkeşlər üçün çox önəmli və yadda qalan anlar vəd etdiyini söyləyib.
