Kişi həndbolçulardan ibarət “Bakı” klubunun Avropa kubokunda iştirak edəcək heyəti məlum olub. Təmsilçimiz turnirə ikinci mərhələdən qatılacaq və ümumilikdə 15 oyunçu sifariş edilib.
Sport-az.com-in verdiyi məlumata görə, komandanın qapısını Kamil Məmmədzadə və Rusiya vətəndaşı Rüstəm Hüseynov qoruyacaqlar. Heyətdə yer alan digər oyunçular: Teymur Axundov, Nicat Əzizov, Elnur Hüseynzadə, Kamran Məmmədov, Elgün Məmmədrəhimov, Elgün Məmmədzadə, Sabir Nəzərəliyev, Fərid Səvziyev, Aleksandr Serqunin, Malik Şəfiyev.
Komandanın heyətində üç legioner də yer alıb: Rusiya vətəndaşı Valeri Kramarov, ukraynalı Vladislav Napadaylo və belaruslu Artyom Skribadır.
Qeyd edək ki, Eldar Fərəcovun rəhbərlik etdiyi komanda ikinci mərhələdə Monteneqro təmsilçisi “Lovçen” ilə qarşılaşacaq.
