Azərbaycan təmsilçisi “Sabah” UEFA Çempionlar Liqasının əsas mərhələsinin üçüncü turu çərçivəsində bu gün mötəbər sınaq qarşısındadır. Litvalı mütəxəssis Valdas Dambrauskasın rəhbərlik etdiyi komanda doğma meydanda Avropa futbolunun nəhənglərindən olan Almaniyanın “Borussiya” (Dortmund) klubunu qəbul edəcək.
Bakı Olimpiya Stadionunda təşkil olunacaq qarşılaşmanın start fiti saat 20:45-də səslənəcək. Görüşü İspaniya Futbol Federasiyasından FIFA referisi Xavyer Alberola Roxas idarə edəcək.
Turnir cədvəlindəki durum da oyuna əlavə intriqa qatır. Geridə qalan iki turdan sonra hər iki kollektiv aktivinə üç xal yazdırıb. Top fərqinə görə Dortmund təmsilçisi 18-ci, “Sabah” isə 22-ci pillədə qərarlaşıb. Qitənin ən nüfuzlu klub yarışında mübarizə aparan paytaxt klubu güclü rəqibi qarşısında doğma azarkeşlərin dəstəyi ilə tarixi nəticə qazanmağa çalışacaq.
