UEFA Konfrans Liqasının 2026/2027 mövsümündə III təsnifat mərhələsinin cavab qarşılaşmaları davam edir. Avqustun 12-də keçirilən daha üç oyundan sonra “Kopenhagen”, “Rapid” və “Hapoel Tel-Əviv” pley-off mərhələsinə vəsiqəni rəsmiləşdirib.
“Kopenhagen” Macarıstanın “Debretsen” klubuna qarşı üstünlüyünü cavab matçında da qoruyub. Danimarka təmsilçisi doğma meydanda rəqibini 5:1 hesabı ilə məğlub edib. İlk görüşdə də 3:0 qalib gələn “Kopenhagen” iki oyunun nəticəsinə əsasən 8:1 hesablı üstünlüklə mərhələ adlayıb.
Avstriyanın “Rapid” klubu isə Estoniya “Payde”si ilə qarşılaşmada 2:0 hesablı qələbə qazanıb. Vyana təmsilçisi ilk oyunda əldə etdiyi 4:1 hesablı üstünlükdən sonra ümumi hesabı 6:1-ə çatdıraraq pley-offa yüksəlib.
“Hapoel” səfərdə uduzsa da, mərhələni keçdi
Gecənin daha gərgin qarşılaşmalarından biri Polşada keçirilib. “GKS Katovitse” doğma meydanda “Hapoel Tel-Əviv”ə 2:1 hesabı ilə qalib gəlsə də, bu nəticə mərhələ adlamaq üçün kifayət etməyib. İsrail təmsilçisi ilk görüşdə 2:0 hesablı qələbə qazandığından iki matçın yekununda 3:2 üstün olub və pley-offa çıxıb.
Azərbaycan təmsilçisi “Qarabağ” da bu gün Konfrans Liqasında növbəti mərhələyə vəsiqə uğrunda mübarizə aparacaq. Ağdam klubu ilk qarşılaşmada 0:1 hesabı ilə məğlub olduğu “Dinamo Kiyev”i Bakıda qəbul edəcək. Görüş saat 20:00-da başlayacaq.
UEFA Konfrans Liqası – III təsnifat mərhələsi
12 avqustda keçirilən cavab oyunlarının nəticələri:
- “Kopenhagen” (Danimarka) – “Debretsen” (Macarıstan) – 5:1
İlk oyun – 3:0 - “GKS Katovitse” (Polşa) – “Hapoel Tel-Əviv” (İsrail) – 2:1
İlk oyun – 0:2 - “Rapid” (Avstriya) – “Payde” (Estoniya) – 2:0
İlk oyun – 4:1
