Liverpul yanvar transfer pəncərəsində ciddi vəsait xərcləyə bilər. Teamtalk-ın məlumatına görə, İngiltərə klubu Monakonun 22 yaşlı müdafiəçisi Lamin Kamara ilə yaxından maraqlanır.
Fransa təmsilçisi futbolçunun çıxışından razıdır və onu buraxmaq istəmir. Monako klubunu fikrindən daşındırmaq üçün təklifin kifayət qədər böyük olması tələb olunacaq.
Transfermarkt seneqallı oyunçunu 55 milyon avro dəyərində qiymətləndirir. Buna görə Liverpul Kamaranı yanvar ayında heyətinə qatmaq istəyirsə, ən azı 70-75 milyon avro ödəməli olacaq.
Cari mövsümdə Kamara on matçda meydana çıxıb və iki məhsuldar hərəkətlə yadda qalıb.
