Misli Premyer Liqasının XII turu “Sabah” futbol klubunun tarixində yubiley nəticəsi ilə yadda qalıb. Komanda bu turda çempionatın yüksək dəstəsindəki 60-cı heç-heçəsinə imza atmışdır. Peşəkar Futbol Liqası (PFL) bu statistika ilə bağlı rəsmi məlumat yayıb.
Bu əlamətdar nəticə “Sabah”ın keçən turda “Şamaxı” ilə keçirdiyi və 0:0 hesabı ilə başa çatan qarşılaşmaya təsadüf edib. Bu bərabərliklə Bakı təmsilçisi çempionatlar tarixində 60 və ya daha çox heç-heçəyə nail olan 14-cü komanda statusunu qazanıb. Klubun heç-heçə statistikasının bölgüsü belədir:
- Evdə: 32 heç-heçə
- Səfərdə: 28 heç-heçə
Qeyd etmək lazımdır ki, yarışın 33 illik zəngin tarixində ən çox heç-heçə edən komanda “Neftçi” klubudur. Bakı təmsilçisi indiyə qədər tam 222 dəfə meydandan bir xalla ayrılaraq bu göstəricidə liderliyini qoruyur.
