Azərbaycan I Liqasının 10-cu turu davam edir və bu gün iddialı komandaların matçları keçiriləcək. İlk dövrə məğlubiyyətsiz keçərək 23 xalla zirvədə yerləşən “Şəfa” Binə qəsəbəsində “Zaqatala” ilə üz-üzə gələcək. Çempionluğa ciddi namizəd “Səbail” isə Bayıl “ASCO Arena”da “Difai”ni qəbul edəcək – bu, yeni baş məşqçi Adil Şükürovun komandadakı ilk rəsmi oyunu olacaq. Qələbə Bayıl təmsilçisini yenidən ikinci pilləyə qaytarmaq şansı verəcək.
Ötən gün “Mingəçevir” “Cəbrayıl”ı 2:0, “Baku Sportinq” “Şahdağ Qusar”ı 2:1, MOİK isə “Şimal”ı 2:0 hesabı ilə məğlub edib.
Matç proqramı və hakimlər
14:30 – “Şəfa” – “Zaqatala”
- Hakimlər: Əli Əliyev, Sənan Atayev, Samir Qaracayev, Rövşən Rəcəbov
- Hakim-inspektor: Anar Salmanov
- AFFA nümayəndəsi: Emin Cəfərov
- Stadion: Binə qəsəbə stadionu
15:00 – “Səbail” – “Difai”
- Hakimlər: Alik Yunusov, Orxan İbişov, Rasim Axundov, Nazim Abdullayev
- Hakim-inspektor: Əmrah İbrahimov
- AFFA nümayəndəsi: Bəhram Qurbanov
- Stadion: Bayıl “ASCO Arena”
