Azərbaycan çempionatında 1/16 final mərhələsinin ikinci partiyaları tamamlanıb və bir sıra şahmatçılar uğurlu çıxışları ilə 1/8 finala vəsiqə qazanıblar.
Şahmat Federasiyasının məlumatına görə, iki oyunlu qarşılaşmaların nəticəsi aşağıdakı kimi olub:
- Murad İbrahimli – Vüqar Manafov: 1,5 : 0,5
- Əhməd Əhmədzadə – Allahverdi Həmidov: 1,5 : 0,5
- Vüqar Rəsulov – Fərid Orucov: 2 : 0
Rəqiblərini hər iki partiyada məğlub edən Aydın Süleymanlı, Eltac Səfərli və Şiroğlan Talıbov da adlarını 1/8 final mərhələsinə yazdırıblar. İlk görüşdə qələbə qazanıb, cavab oyununda heç-heçəyə nail olan Məhəmməd Muradlı və Read Səmədov da mübarizəni davam etdirəcək.
Altı cütlükdə taleyüklü tay-brek keçiriləcək
İki partiyanın yekununda qalibin müəyyən olunmadığı qarşılaşmalar bu gün tay-brek vasitəsilə həll ediləcək. Həlledici görüşlər aşağıdakı cütlüklər arasında baş tutacaq:
- Nicat Abasov – Şəmsi Qaraxanov
- Ümid Aslanov – Xaqan Əhməd
- Rəhim Qasımov – Məhəmməd Zülfüqarlı
- Kamal Ağasiyev – Fərhad Tahirov
- Xəzər Babazadə – Rəvan Əliyev
- Misrətdin İskəndərov – Paşam Əlizadə
Günün sonunda 1/8 finalın bütün iştirakçılarının adları bəlli olacaq. Qeyd edək ki, çempionat fevralın 22-də yekunlaşacaq. Qadın şahmatçılar yarışlara birbaşa 1/8 final mərhələsindən qoşulacaqlar.
