Azərbaycan 1-ci Liqasında 2-ci turun növbəti üç qarşılaşması keçirilib. “Zaqatala” doğma meydanda “Baku Sportinq” üzərində böyükhesablı qələbə qazanıb. “Səbail” və “Gəncəbasar” isə rəqiblərini 2:1 hesabı ilə məğlub ediblər.
Günün ən böyükhesablı nəticəsi Zaqatalada qeydə alınıb. Meydan sahibləri bütün qollarını ikinci hissədə vuraraq “Baku Sportinq”i 3:0 hesabı ilə üstələyiblər.
“Səbail” Binə qəsəbə stadionunda “Mingəçevir”lə üz-üzə gəlib. Hesab 11-ci dəqiqədə Y.De Vaskonselos Said tərəfindən açılıb. A.Ağazadə 28-ci dəqiqədə fərqi artırıb. “Mingəçevir”in 61-ci dəqiqədə S.Oqunmolanın vurduğu qolla cavab verməsinə baxmayaraq, görüş 2:1 hesabı ilə “Səbail”in xeyrinə yekunlaşıb.
Gəncə şəhər stadionunda keçirilən qarşılaşmada “Gəncəbasar” “Xankəndi”yə 2:1 hesabı ilə qalib gəlib. M.Musazadə 36-cı dəqiqədə hesabı açıb. İkinci hissədə D.Açimi 52-ci dəqiqədə tarazlığı bərpa edib, 82-ci dəqiqədə isə penaltini dəqiq yerinə yetirərək “Gəncəbasar”a qələbə qazandırıb.
Azərbaycan 1-ci Liqası
2-ci tur
“Zaqatala” – “Baku Sportinq” — 3:0
- Stadion: Zaqatala OİK stadionu
- Qollar: İ.Ramazanov, 52; Ə.Heydərov, 61; Ə.Əliyev, 88
- Baş hakim: Ruslan Quliyev
- Yan xətt hakimləri: Qəzənfər Məmmədov, Rəşad Quliyev
- Ehtiyat hakim: Namiq Bəkirov
“Səbail” – “Mingəçevir” — 2:1
- Stadion: Binə qəsəbə stadionu
- Qollar: Y.De Vaskonselos Said, 11; A.Ağazadə, 28 — S.Oqunmola, 61
- Baş hakim: Səbuhi Bayramov
- Yan xətt hakimləri: Samir Qaracayev, Məmmədəli Kərimov
- Ehtiyat hakim: Mahmud Bağırzadə
“Gəncəbasar” – “Xankəndi” — 2:1
- Stadion: Gəncə şəhər stadionu
- Qollar: M.Musazadə, 36 — D.Açimi, 52, 82 (pen.)
- Baş hakim: Rövşən Rəcəbov
- Yan xətt hakimləri: Rəhman Aslanov, Anar Bədəlov
- Ehtiyat hakim: Kamran Əliyev
