Azərbaycan I Liqasında XVI turun son matçları bu gün keçiriləcək və həm liderlik, həm də ilk “üçlük” uğrunda rəqabət daha da gərginləşəcək.
Dünən “Şimal”ın qələbəsi və “Səbail”–“Baku Sportinq” derbisində qeydə alınan heç-heçə turnir cədvəlində vəziyyəti dəyişdiyi üçün bu günün qarşılaşmaları xüsusi əhəmiyyət daşıyır.
“Şəfa” rəqibdən revanş almaq istəyir
Turun ən maraqlı oyunlarından biri Ağsuda baş tutacaq. Liderlik uğrunda mübarizə aparan “Şəfa”, qış toplanışında 0:1 hesabı ilə uduzduğu “Difai” ilə qarşılaşacaq.
Komandanın məqsədi səfərdən üç xalla qayıdaraq dünənki nəticələrdən maksimum faydalanmaq və zirvədəki mövqeyini möhkəmləndirməkdir.
“Mingəçevir” – “hərbçilər”ə qarşı əzmkar mübarizə
Ötən gün lideri büdrədən və çempionluq yarışını yenidən qızışdıran “Mingəçevir”, bu dəfə doğma meydanda MOİK-lə qarşılaşacaq.
Hər iki komanda üçün bu oyun böyük əhəmiyyət daşıyır: meydan sahibləri zirvəyə bir addım da yaxınlaşmaq istəyir, qonaqlar isə mövqelərini yaxşılaşdırmağa çalışır.
Şimal derbisi: “Şahdağ Qusar” – “Zaqatala”
Şamaxıda iki regional komanda üz-üzə gələcək. “Şahdağ Qusar” və “Zaqatala” arasında baş tutacaq duel həm xal tabelində qonşu olan rəqiblərin mövqelərini birbaşa müəyyənləşdirəcək, həm də şimal təmsilçiləri üçün prinsipial xarakter daşıyır.
Matçların başladığı saat eynidir – bütün oyunlar saat 15:00-da start götürəcək.
Günün oyunları – təyinatlar və məkanlar:
15:00 — “Şahdağ Qusar” – “Zaqatala”
- Hakimlər: Namiq Bəkirov, Qəzənfər Məmmədov, Taleh Məmmədov, Elçin Abdullayev
- Hakim-inspektor: Əmrah İbrahimov
- AFFA nümayəndəsi: İlham Əliyev
- Məkan: Şamaxı Olimpiya İdman Kompleksi
15:00 — “Difai” – “Şəfa”
- Hakimlər: Rövşən Rəcəbov, Orxan İbişov, Samir Qaracayev, Mahmud Bağırzadə
- Hakim-inspektor: Rövşən Əhmədov
- AFFA nümayəndəsi: Törə Əhmədova
- Məkan: Ağsu şəhər stadionu
15:00 — “Mingəçevir” – MOİK
- Hakimlər: Elvin Bayramov, Asif Abdullayev, Rasim Axundov, Kamil Aydınov
- Hakim-inspektor: Zöhrab Qədiyev
- AFFA nümayəndəsi: Mübariz Hüseynov
- Məkan: Y. Məmmədzadə adına stadion (ehtiyat meydança)
