Azərbaycan II Liqasında XIX turun ilk oyun günü azarkeşlərə maraqlı və gərgin qarşılaşmalar bəxş edib. Üç oyunun keçirildiyi gündə həm geridönüş, həm də son dəqiqə dramatizmi diqqət çəkib.
“Araz Saatlı” erkən qola baxmayaraq oyunun gedişatını dəyişərək əzmkar qələbə qazanıb. Komandanın hücum xəttində fərqlənən E.Xəlilli het-triklə çıxış edərək matçın qəhrəmanına çevrilib.
“Dinamo” isə rəqibi üzərində üstün oyun nümayiş etdirərək vacib üç xalı aktivinə yazdırıb. Digər qarşılaşmada isə “Şirvan” və “Şəki Siti” arasında gərgin mübarizə qalibsiz yekunlaşıb.
II Liqa, XIX tur, 23 mart:
“Araz Saatlı” – “Quba” – 3:1
- Qollar: E.Xəlilli (38, 60, 63) – V.Cəfərov (5)
- Qırmızı vərəqə: V.Cəfərov (85, “Quba”)
“Dinamo” – “Ağstafa Gəncləri” – 3:1
- Qollar: Y.Qarayev (37), V.Seyidov (44, 90+5, pen) – Ə.Bağırov (35)
“Şirvan” – “Şəki Siti” – 2:2
- Qollar: Ç.Məmmədov (59), E.Rəsulov (89) – Z.Fərzəliyev (47, 75)
