Azərbaycan I Liqasında XXII turun oyunlarına start verilib. İlk oyun günündə iki qarşılaşma keçirilib və hər iki oyunda fərqli ssenari qeydə alınıb.
Binə qəsəbəsində baş tutan görüşdə MOİK “Zaqatala”nı qəbul edib. Meydan sahibləri oyuna fəal başlayaraq erkən üstünlük qazanıblar və bu üstünlüyü sona qədər qoruyaraq 2:1 hesablı qələbəyə seviniblər. Bu nəticə ilə “hərbçilər” turnir cədvəlində mövqelərini möhkəmləndirmək baxımından vacib üç xal əldə ediblər.
Şamaxıda keçirilən digər qarşılaşmada isə qalib müəyyənləşməyib. “Şahdağ Qusar” və “Cəbrayıl” komandaları gərgin mübarizə aparsalar da, qapılara yol tapa bilməyiblər və oyun 0:0 hesabı ilə başa çatıb. Hər iki komanda bir xalla kifayətlənib.
Turun qalan oyunlarının yaxın günlərdə keçirilməsi planlaşdırılır.
Azərbaycan I Liqası, XXII tur
15 aprel:
MOİK – “Zaqatala” 2:1
Qollar: B.Soltanov, 8; S.Fərəcov, 28 – R.İsmayılov, 18
“Şahdağ Qusar” – “Cəbrayıl” 0:0
