Azərbaycan II Liqasında 25-ci turun qarşılaşmaları davam edir və bu gün turun daha iki maraqlı oyunu baş tutacaq. Dünən start götürən turun əvvəlki matçında “Göygöl” öz meydanında “Ağstafa Gəncləri” ilə 1:1 hesablı heç-heçə edib. Bu nəticə turnir cədvəlində mübarizəni daha da gərginləşdirib.
Bu gün keçiriləcək görüşlərdə xüsusilə xal uğrunda ciddi mübarizə gözlənilir. “Kür-Araz” doğma meydanda ikinci altılığın lideri “Şəki Siti” ilə qarşılaşacaq. İmişli təmsilçisi bu oyunda qalib gəlsə, rəqibi ilə xal fərqini minimuma endirərək mübarizəni daha da qızışdıra bilər.
Digər görüşdə isə “Ağdaş” autsayder “Araz Saatlı”nı qəbul edəcək. Meydan sahibləri bu matçda favorit hesab olunur və üç xalı qazanmaqla mövqelərini möhkəmləndirməyə çalışacaq.
Turun son oyunları isə sabah keçiriləcək və bununla da 25-ci tura yekun vurulacaq.
Azərbaycan II Liqası, XXV tur
4 may:
16:00 – “Kür-Araz” – “Şəki Siti”
- Hakimlər: Nəriman Ağayev, Rəşad Quliyev, Sadiq Əliyev, İrşad Aydınov
- Hakim-inspektor: İmanxan Sultani
- AFFA nümayəndəsi: Eldar Məmmədov
- Heydər Əliyev adına İmişli şəhər stadionu,
16:30 – “Ağdaş” – “Araz Saatlı”
- Hakimlər: Sənan Bayramzadə, Vüqar Bayramov, Hüseyn Vəliyev, Rövşən Rəcəbov
- Hakim-inspektor: Əmrah İbrahimov
- AFFA nümayəndəsi: Mübariz Hüseynov
- Ağdaş şəhər stadionu,
