Azərbaycan II Liqasında 25-ci turun son qarşılaşmaları bu gün keçiriləcək və turnir cədvəlinin yuxarı hissəsində mübarizə daha da gərginləşəcək. Turun son günündə xüsusilə ilk “altılıq”da qərarlaşan komandaların oyunları diqqət mərkəzində olacaq.
Hazırda lider mövqedə olan “Xankəndi” səfərdə çətin sınaqla üzləşəcək. Komanda artıq mövsümün medalçılarından biri olan “Quba” ilə qarşılaşacaq. Turnir cədvəlində üçüncü yeri təmin etmiş rəqibin motivasiyası və ev üstünlüyü bu oyunu turun ən maraqlı duelinə çevirir.
Çempionluq iddiasını davam etdirən “Qaradağ Lökbatan” da vacib oyuna çıxacaq. Paytaxt təmsilçisi cəmi 3 xal geri qaldığı lideri yaxalamaq üçün “Dinamo” ilə görüşdə mütləq qələbə qazanmağa çalışacaq. Bu qarşılaşmanın nəticəsi zirvə yarışına birbaşa təsir edə bilər.
Turun son matçı isə Şirvanda keçiriləcək. Yerli komanda “Şəmkir”i qəbul edəcək və bu oyun da turnir cədvəlinin orta pillələrində sıralanma baxımından əhəmiyyət daşıyır.
Mayın 3-4-də baş tutan görüşlər də diqqətçəkən nəticələrlə yadda qalıb. Xüsusilə “Kür-Araz”ın böyük hesablı qələbəsi turun ən məhsuldar oyunlarından biri olub:
- “Kür-Araz” – “Şəki Siti” 5:1
- “Araz Saatlı” – “Ağdaş” 2:0
- “Göygöl” – “Ağstafa Gəncləri” 1:1
Azərbaycan II Liqası, 25-ci tur
5 may:
- “Quba” – “Xankəndi” – 16:00
Baş hakim: Ceyhun Hüseynov
Stadion: Quba OİK stadionu - “Qaradağ Lökbatan” – “Dinamo” – 16:00
Baş hakim: Nazim Abdullayev
Stadion: Lökbatan OİK stadionu - “Şirvan” – “Şəmkir” – 16:30
Baş hakim: Məqsud Şamiyev
Stadion: Şirvan OİK stadionu
