Azərbaycan I Liqasında XXV turun oyunlarına start verilib və ilk qarşılaşma artıq baş tutub. Turun açılış matçında “Şahdağ Qusar” doğma meydanda “Mingəçevir”i qəbul edib və azarkeşlərini sevindirən nəticə əldə edib.
Şamaxı OİK stadionunda keçirilən görüşdə meydan sahibləri üstün oyun nümayiş etdirərək rəqibini 2:0 hesabı ilə məğlub edib. Bu nəticə ilə “Şahdağ Qusar” turnir cədvəlində mövqeyini daha da möhkəmləndirib.
Qərb təmsilçisi bu oyuna yüksək motivasiya ilə çıxmışdı. Komanda pley-off uğrunda mübarizəni davam etdirmək üçün mütləq qələbə qazanmaq niyyətində idi. Lakin oyun planı istənilən nəticəni vermədi və səfər matçı xalsız başa çatdı.
Əvəzində “Şahdağ Qusar” daha effektiv oyun sərgilədi və qol epizodlarını dəyərləndirərək vacib üç xalı aktivinə yazdırdı.
I Liqa XXV tur
5 may:
“Şahdağ Qusar” – “Mingəçevir” 2:0
- Hakimlər: Vüqar Həsənli, Asif Abdullayev, Safalı Ağayev, Niyaz Əhmədov
- Hakim-inspektor: Anar Salmanov
- AFFA nümayəndəsi: Azər Əsgərov
- Şamaxı OİK stadionu
