Azərbaycan I Liqasında 25-ci turun qarşılaşmaları davam edir və bu gün keçirilən oyunlar turnir cədvəlində maraqlı dəyişikliklərə səbəb olub. Tur çərçivəsində baş tutan üç görüşdə həm gözlənilməz nəticələr, həm də inamlı qələbə qeydə alınıb.
Turnirin lideri olan “Şəfa” səfərdə autsayder “Difai” ilə qarşılaşıb. Görüş gözləniləndən fərqli olaraq qolsuz heç-heçə ilə başa çatıb. Bu nəticə ilə bakılılar erkən çempionluq şansını əldən veriblər. Qələbə qazanacağı halda titulunu vaxtından əvvəl təmin edə biləcək komanda xal itkisi ilə kifayətlənib.
“Səbail”dən inamlı qələbə
Turun ən diqqətçəkən nəticəsi isə “Səbail”in hesabına yazılıb. İkinci pillədə qərarlaşan komanda səfərdə “Zaqatala” ilə qarşılaşıb və rəqibini 3:0 hesabı ilə məğlub edib. Bu qələbə sayəsində “Səbail” liderlə xal fərqini bir qədər də azaldaraq çempionluq yarışında iddiasını gücləndirib.
Digər qarşılaşmada isə “Şimal” və MOİK üz-üzə gəlib. Görüş gərgin mübarizə şəraitində keçib və tərəflər meydandan 1:1 hesablı heç-heçə ilə ayrılıblar.
Azərbaycan I Liqası, 25-ci tur
6 may:
16:00. “Şimal” – MOİK – 1:1
- Qollar: A.Qla, 40 // S.Fərəcov, 85
- Şamaxı OİK stadionu
16:00. “Difai” – “Şəfa” – 0:0
- Buzovna qəsəbə stadionu
16:00. “Zaqatala” – “Səbail” – 0:3
- Qollar: A.Almeyda, 20, 34, P.Rikardo, 81
- Zaqatala OİK stadionu
