Azərbaycan I Liqasında XXVI turun oyunları keçirilib və mövsümün taleyi məhz bu turda müəyyənləşib. Lider “Şəfa” doğma meydanda “Cəbrayıl”la qarşılaşaraq minimal hesablı qələbə qazanıb və vaxtından əvvəl çempionluğunu rəsmiləşdirib.
Bakı təmsilçisi üçün bu qarşılaşma həlledici xarakter daşıyırdı. Komanda ya qalib gəlməli, ya da ən yaxın izləyicisi “Səbail”in xal itirməsini gözləməli idi. “Şəfa” isə işi şansa buraxmayaraq vacib üç xalı qazandı və sona bir tur qalmış qızıl medalları təmin etdi. Bu nəticə ilə klub Premyer Liqaya vəsiqəni də rəsmiləşdirmiş oldu.
Eyni saatda baş tutan digər qarşılaşmalar da turnir cədvəlinin formalaşmasına təsir edib. Xüsusilə “Səbail”in ev oyununda xal itirməsi liderin çempionluğunu daha da tezləşdirdi. “Baku Sportinq” və “Mingəçevir” isə inamlı qələbələrlə yadda qaldılar.
Azərbaycan I Liqası, XXVI tur
15 may:
17:00. “Mingəçevir” – MOİK 3:1
- Yaşar Məmmədzadə adına Mingəçevir şəhər stadionu (ehtiyat meydança)
17:00. “Səbail” – “Şahdağ Qusar” 0:0
- “Bayıl Arena”
17:00. “Baku Sportinq” – “Zaqatala” 3:0
- Buzovna qəsəbə stadionu
17:00. “Şəfa” – “Cəbrayıl” 1:0
- Binə qəsəbə stadionu
