“Araz-Naxçıvan” klubu yay fasiləsində heyətdə ciddi dəyişikliklərə start verib. Naxçıvan təmsilçisi eyni vaxtda 10 futbolçu ilə yollarını ayırdığını rəsmən açıqlayıb. Klubun yaydığı məlumata görə, müqavilə müddəti başa çatan oyunçularla yeni anlaşma əldə olunmayıb.
Yeni müqavilə təklif edilməyən oyunçular bunlardır:
- Ramon Maçado
- Hamidu Keyta
- Bar Kohen
- Nuno Rodriqes
- Rahil Məmmədov
- Bəxtiyar Həsənalızadə
- Coşqun Diniyev
- Kristian Avram
- Felipe Santos
- Ba-Muaka Simakala
Klub rəhbərliyi yeni mövsüm öncəsi heyətin yenilənməsi istiqamətində addımlar atır. Komandadan ayrılan futbolçuların yerinin yeni transferlərlə doldurulacağı gözlənilir. “Araz-Naxçıvan”ın yay transfer pəncərəsində aktiv fəaliyyət göstərəcəyi bildirilir.
Bununla yanaşı, bəzi oyunçularla əməkdaşlıq davam etdiriləcək. Məlumata əsasən, Slavik Alxasov, Ömər Buludov və Tərlan Əhmədli növbəti mövsümdə də “Araz-Naxçıvan”ın formasını geyinəcəklər.
Ötən mövsüm Premyer Liqada uğurlu nəticələri ilə diqqət çəkən Naxçıvan təmsilçisi qarşıdakı mövsümdə daha iddialı heyət formalaşdırmağı hədəfləyir. Klubun yaxın günlərdə yeni transferlərlə bağlı açıqlamalar verməsi gözlənilir.
