UEFA Konfrans Liqasının I təsnifat mərhələsində keçiriləcək “Zirə” – Gürcüstanın “Torpedo” (Kutaisi) komandaları arasında baş tutacaq ilk oyunun biletlərinin satış tarixi açıqlanıb. Klubun yaydığı məlumata görə, azarkeşlər biletləri 7 iyul saat 12:00-dan etibarən əldə edə biləcəklər.
İlk qarşılaşma 8 iyul saat 20:00-da Mehdi Hüseynzadə adına Sumqayıt şəhər stadionunda keçiriləcək. “Zirə” yeni avrokubok mövsümünə doğma azarkeşləri önündə uğurlu start verməyə çalışacaq.
Biletlər “Zirə” İdman Kompleksində və “Azfar”ın “Baku Arena” filialında satışda olacaq.
Qiymətlər isə aşağıdakı kimidir:
- 5 manat
- 10 manat
- 20 manat
- 50 manat
Klub azarkeşlərə biletləri əvvəlcədən almağı tövsiyə edir. Cavab görüşü isə bir həftə sonra Gürcüstanda keçiriləcək və iki oyunun nəticəsinə əsasən UEFA Konfrans Liqasının növbəti mərhələsinə yüksələn komanda müəyyənləşəcək.
