Bu gün Azərbaycan Kubokunda 1/4 final mərhələsinin cavab oyunlarına start verilib və artıq ilk yarımfinalçı komanda bəlli olub.
Sport-az xəbər verir ki, günün ilk qarşılaşmasında “Qarabağ” klubu “Səbail” komandasını qəbul edib. Tofiq Bəhramov adına Respublika Stadionunda baş tutan görüş meydan sahiblərinin 3:1 hesablı qələbəsi ilə yekunlaşıb.
İlk oyunda 1:0 hesabı ilə qələbə qazanan “Qarabağ”, bu nəticə ilə yarımfinal mərhələsinə vəsiqə qazanıb. Komanda həm çempionatda, həm də kubok yarışında uğurlu çıxışını davam etdirir.
Matçın qolları:
- 13-cü dəqiqə: Musa Qurbanlı (1:0)
- 15-ci dəqiqə: Rüfət Abdullazadə (“Səbail”) (1:1)
- 43-cü dəqiqə: Emin Rüstəmov (avtoqol) (2:1)
- 55-ci dəqiqə: Nəriman Axundzadə (3:1)
Hakim heyəti:
- Baş hakim: Cavid Cəlilov
- Köməkçilər: Müslüm Əliyev, Eyyub İbrahimov, Kamran Əliyev
- VAR: Rauf Allahverdiyev
- AVAR: Şirmamed Mamedov
Digər oyunlar:
Bu günün ikinci qarşılaşmasında “Sabah”, “Sumqayıt” komandasının qonağı olacaq. İlk oyun 0:0 hesablı heç-heçə ilə yekunlaşıb. Görüş 19:30-da, Mehdi Hüseynzadə adına Sumqayıt şəhər stadionunda baş tutacaq.
Sabahın oyun cədvəli:
🗓 28 fevral
- ⏰ 16:00: “Zirə” – “Araz-Naxçıvan” (İlk oyun: 0:1)
- ⏰ 19:30: “Neftçi” – “Kəpəz” (İlk oyun: 2:0)
