Madridin “Real” klubu 1/8 final mərhələsinin ilk matçında “Atletiko”nu 2:1 hesabı ilə məğlub edərək tarixi nailiyyət əldə etdi. Bu qələbə Çempionlar Liqası və Avropa Çempionlar Kuboku tarixində klubun 300-cü qələbəsi oldu. Qeyd edək ki, bu göstəriciyə təsnifat oyunları daxil edilmir.
“Real” Çempionlar Liqasının və Avropa Çempionlar Kubokunun tarixi ərzində 300 qələbəyə çatan ilk komanda oldu. Siyahıda ikinci pillədə yer alan “Bavariya” isə xeyli geri qalır – Münhen təmsilçisinin aktivində 237 qələbə var. Hazırda heç bir klubun bu rekordu qırıb-qıra bilməyəcəyi barədə qəti fikir söyləmək çətindir.
Bundan əlavə, Madrid klubu qitənin ən nüfuzlu klub turnirində ümumilikdə 15 dəfə çempionluq sevinci yaşayıb və bu göstərici də rekord hesab olunur.
