Azərbaycanda “İdman Həftəsi” çərçivəsində nəzərdə tutulan tədbirlər davam edir və bu gün növbəti idman yarışı start götürüb. Sport-az xəbər verir ki, tələbələr arasında stolüstü tennis üzrə yarışlara start verilib. Bu turnir Gənclər və İdman Nazirliyi ilə Stolüstü Tennis Federasiyasının birgə təşkilatçılığı ilə “Şua” İdman Kompleksində keçirilir.
Yarışda 12 oğlan və 7 qız komandası iştirak edir. Komandalar turnir boyunca mübarizə apararaq final mərhələsinə yüksəlməyə çalışacaqlar. Qaliblər sabah keçiriləcək həlledici oyunlardan sonra müəyyən ediləcək.
