“Liverpul”un sağ cinah oyunçusu Məhəmməd Salah bu yay Səudiyyə Ərəbistanına keçmək fikrində deyil. talkSPORTun məlumatına görə, misirli futbolçu bu istiqamətdə heç bir danışıqlar aparmır.
Bu qərar “Liverpul” klubunun Salahla yeni müqavilə bağlaması baxımından önəmli fürsət yarada bilər. Hazırkı razılaşmanın müddəti bitmək üzrədir və yayda Salah azad agent statusu qazana bilər.
Xatırladaq ki, 2023-cü ildə Səudiyyə Ərəbistanının “Əl-İttihad” klubu onun transferi üçün 150 milyon funt sterlinq təklif etmişdi. Məhəmməd Salah isə hələ də Səudiyyə Pro Liqasının əsas transfer hədəflərindən biri olaraq qalır.
