Türkiyə Super Liqasında 19-cu turun mərkəzi qarşılaşmasında İstanbul derbisi baş tutub. “Beşiktaş” öz meydanında əzəli rəqibi “Qalatasaray”ı qəbul edib. Matçın ilk hissəsi 1:1 hesabı ilə başa çatıb. İkinci yarıya daha inamlı başlayan “qara qartallar”, rəqibin azlıqda qalmasından istifadə edərək 66-cı dəqiqədə Cedson Fernandeşin vurduğu qolla qələbə qazanıb.
Oyunun əsas vaxtına əlavə olunmuş dəqiqələrdə “Beşiktaş”ın futbolçusu Semih Kılıçsoy birbaşa qırmızı vərəqə ilə meydandan qovulub.
Bu məğlubiyyətə baxmayaraq, “Qalatasaray” 71 xalla turnir cədvəlinin liderliyini qoruyub. İkinci pillədəki “Fənərbağça” isə 65 xalla izləməyə davam edir.
