Azərbaycanın qadınlardan ibarət milli futbol komandası UEFA Millətlər Liqası çərçivəsində Monteneqro yığması ilə səfər oyununda 1:1 hesablı heç-heçə edib. Qarşılaşma Nikşiç şəhər stadionunda baş tutub.
54-cü dəqiqədə Manə Mollayeva komandamıza üstünlük qazandırsa da, 90+2-ci dəqiqədə monteneqrolu Yasna Dokoviç penalti zərbəsi ilə hesabı bərabərləşdirib və meydan sahiblərini məğlubiyyətdən xilas edib.
Xatırladaq ki, bu komandalar arasındakı ilk görüş Bakıda 0:0 hesablı heç-heçə ilə nəticələnmişdi. Həmçinin, millimiz Litva yığması üzərində səfərdə 2:0 hesablı qələbə qazanmışdı.
Hazırkı turnir cədvəli:
- Azərbaycan – 5 xal
- IV qrup, C liqası – 2-ci yer
Baş məşqçi Siyasət Əsgərovun yetirmələri qrup mərhələsinin son oyununu 30 may tarixində Litvaya qarşı evdə keçirəcək.
