Niderlandlı müdafiəçi Vircil van Deyk “Liverpul”la yeni müqavilə imzalamağa hazırlaşır. Klub rəhbərliyi ilə aparılan danışıqlar nəticəsində tərəflər razılığa gəliblər və sənədlər artıq hüquqşünaslar tərəfindən təsdiqlənib.
Yeni müqavilə 2027-ci ilin iyun ayına qədər qüvvədə olacaq. 33 yaşlı futbolçu əvvəllər dəfələrlə klubda qalmaq istədiyini bildirmişdi. Hətta Səudiyyə Ərəbistanının “Əl-Hilal” klubundan aldığı sərfəli təklif belə onun qərarını dəyişməyib.
Cari mövsümdə van Deyk bütün turnirlər üzrə 53 oyunda meydana çıxıb. O, bu qarşılaşmalarda 3 qol vurub və 1 məhsuldar ötürmə edib. Hazırda “Liverpul” Premyer Liqada lider mövqedədir və “Arsenal”ı 11 xal qabaqlayır. Komanda növbəti matçını 13 aprel tarixində “Vest Hem”ə qarşı keçirəcək.
