2024/25 mövsümü UEFA Çempionlar Liqasının 1/4 final mərhələsinin cavab oyununda Paris Sen-Jermen səfərdə Aston Villaya 2:3 hesabı ilə uduzsa da, ümumi nəticədə növbəti mərhələyə vəsiqə qazandı.
Görüşün ilk hissəsində Paris təmsilçisi təşəbbüsü ələ alaraq hesabı açdı. 11-ci dəqiqədə Əşrəf Hakimi, 28-ci dəqiqədə isə Nunu Mendeş fərqlənərək qonaqları irəli çıxardı. Lakin İngiltərə klubu geri çəkilmədi və 34-cü dəqiqədə Yuri Tilemans, ikinci hissədə isə Con MakGinn (55′) və Ezri Konsa (57′) ardıcıl qollarla geridönüş etdilər.
Bununla belə, “Aston Villa”ya əlavə vaxta keçmək üçün daha bir qola ehtiyac var idi, lakin bu məqsədə çata bilmədilər. İlk oyunda Parisdə PSJ 3:1 hesabı ilə qalib gəlmişdi və ümumi hesabda 5:4 üstün olaraq yarımfinala vəsiqə qazandı.
Yarımfinalda Luis Enrikenin komandası “Real” – “Arsenal” cütünün qalibi ilə qarşılaşacaq. Həmin cütün ilk oyunu “Arsenal”ın 3:0 hesablı qələbəsi ilə nəticələnmişdi.
Növbəti oyunlarda 19 aprel tarixində PSJ Liqa 1-in çempionu kimi “Havr”ı qəbul edəcək, “Aston Villa” isə Premyer Liqada “Nyukasl”la qarşılaşacaq.
Çempionlar Liqası. 1/4 final, cavab oyunu
Aston Villa — PSJ — 3:2 (ilk oyun — 1:3)
Qollar: Tilemans, 34; MakGinn, 55; Konsa, 57 — Hakimi, 11; Mendeş, 28
