Peşəkar Futbol Liqasının yaydığı rəsmi məlumata görə, Azərbaycan Kubokunun final matçının keçirilmə tarixi dəyişdirilib. Bu dəyişiklik Bakıda 1 iyun tarixində keçiriləcək mini-futbol üzrə dünya çempionatının finalı ilə üst-üstə düşməməsi üçün edilib.
Yeni qərara əsasən, kubokun final oyunu bir gün öncə — 31 may tarixində baş tutacaq. Qarşılaşma Sumqayıtda, Mehdi Hüseynzadə adına şəhər stadionunda keçiriləcək və saat 19:00-da başlayacaq.
