Bu gün Azərbaycan Kuboku üzrə yarımfinal mərhələsinin cavab oyunları keçiriləcək və finala yüksələcək komandalar müəyyənləşəcək.
Günün ilk matçında “Qarabağ” və “Araz-Naxçıvan” üz-üzə gələcək. Qarşılaşma saat 17:00-da Tofiq Bəhramov adına Respublika stadionunda start götürəcək. İlk oyunda Naxçıvan təmsilçisi minimal hesabla – 1:0 qalib gəlmişdi. Ağdam klubu doğma azarkeşləri önündə geridönüş etməyə çalışacaq.
“Qarabağ” – “Araz-Naxçıvan”
- Saat: 17:00
- Stadion: Tofiq Bəhramov adına Respublika Stadionu
- Hakimlər: Rəvan Qəmzəzadə, Cəmil Quliyev, Şirməmməd Məmmədov, Əliyar Ağayev
- VAR: Kamal Umudlu
- AVAR: Rauf Cəfərov
- Hakim-inspektor: Vüsal Əliyev
- AFFA nümayəndəsi: Elgiz Abbasov
- İlk oyun: 0:1
İkinci qarşılaşmada “Sabah” öz meydanında “Neftçi”ni qəbul edəcək. Bu matç saat 20:00-da Bank Respublika Arenada baş tutacaq. İlk oyunda paytaxt derbisində “ağ-qaralar” evdə 1:2 hesabı ilə məğlub olmuşdu və indi final ümidlərini qorumaq üçün səfərdə qələbəyə ehtiyac duyur.
“Sabah” – “Neftçi”
- Saat: 20:00
- Stadion: Bank Respublika Arena
- Hakimlər: İnqilab Məmmədov, Namiq Hüseynov, Rahil Ramazanov, Fərid Hacıyev
- VAR: Nicat İsmayıllı
- AVAR: Tural Qurbanov
- Hakim-inspektor: Babək Quliyev
- AFFA nümayəndəsi: Seymur Səlimli
- İlk oyun: 2:1
Qeyd edək ki, Azərbaycan Kubokunun final görüşü 31 may tarixində Sumqayıtda, Mehdi Hüseynzadə adına şəhər stadionunda keçiriləcək.
