Azərbaycan milli komandasının futbolçusu Zamiq Əliyev çıxış etdiyi Albaniya klubu “Egnatia” ilə ölkə çempionluğunu qazanıb. Bu barədə Sport-Az.com məlumat yayıb.
Komanda həlledici oyunda “Vllaznia” üzərində 4:0 hesablı inamlı qələbə əldə edərək ikinci dəfə Albaniya çempionu adını qazanıb. İlk çempionluq ötən mövsümdə baş tutmuşdu.
Zamiq Əliyev əsas heyətdə
Qeyd edək ki, Zamiq Əliyev final qarşılaşmasına start heyətində çıxıb və bütün 90 dəqiqə meydanda olub. Onun stabil çıxışı klubun uğuruna əhəmiyyətli töhfə verib.
