Bakıda keçirilən mini-futbol üzrə dünya çempionatında Azərbaycan yığmasının 1/8 final mərhələsindəki rəqibi müəyyənləşib. Sport-az.com xəbər verir ki, komandamız növbəti mərhələdə hazırkı dünya çempionu Rumıniya yığması ilə qarşılaşacaq.
Rumıniya millisi qrup mərhələsinin son turunda Fransa ilə 0:0 hesablı heç-heçə edib və qrupda 4 xal toplayaraq ikinci yeri tutub. Bu nəticə onlara Azərbaycanla pley-off mərhələsində qarşılaşmaq hüququ verib.
Həlledici qarşılaşma: 27 may
Azərbaycan – Rumıniya oyunu 27 may tarixində saat 20:30-da, Bakı vaxtı ilə, baş tutacaq. Görüş milli komandamız üçün turnirdəki ən ciddi sınaqlardan biri olacaq.
